في اول رد منها على تمرير قانون الانتخابات اليوم في مجلس النواب نشرت جمعية “عيش تونسي” بيانا بالغة العامية على جدار صفحتها الرسمية هذا ما جاء فيه حرفيا :
“#ملا_فضيحة
اليوم نهار أسود في تاريخ تونس.
أحزاب سياسية، تعرف إلي كان تمشي للإنتخابات باش تخسر.
أحزاب سياسية فهمت إلي 80% من التوانسة رافضينها
أحزاب سياسية ترا في التوانسة عندهم ثقة في حركات جديدة و ناوية تصوتلهم (بما فيهم عيش تونسي)
شعملت الأحزاب هذي اليوم ؟
تلمت و عدات قانون في مجلس النواب يمنع خصومها من الترشح للإنتخابات، باش يقعدوا خمس سنين أخرين يبيعوا و يشريو بين بعضهم.
#ملا_فضيحة
بالطبيعة عيش تونسي باش تواصل في الثنية إلي بدات فيها و إلي اليوم تضم 600.000 تونسي و تونسية صححوا وثيقة التوانسة
اليوم ماناش ندافعو على عيش تونسي و على حقها باش تترشح للإنتخابات : موش هذا المهم
اليوم عيش تونسي باش تدافع على حق كل تونسي و كل تونسية باش يختاروا الناس إلي يمثلوهم : هذا الأهم
التعليقات مغلقة، ولكن تركبكس وبينغبكس مفتوحة.