نشر النقابي الامني محمد علي الهاشمي على جدار صفحته الرسمية رسالة الى رئيس الجمهورية قيس سعيد هذا فحواها :
“الامن الرئاسي والامن وبداية التعب .
الى السيد رئيس الجمهورية #قيس سعيد بالله لازم تراجع روحك في نقطة اللي تهمنا /وانا عارف انك باش تقتنع بالكلام اللي باش نقولو . النقطة هاذي هي انك مصمم تسكن في الاقامة الاصلية انا من موقعي كأمني نقلك راك جبتلنا التعب وجيت من الناحية هاذي بالذات لانك باش تنقل كل الامن المتواجد في القصر من مرافقات ميدانية ومرافقات خاصة بالعائلة وسيارات ومدرعات وجميع المعدات وكل ما هو مجعول لحماية الرئيس للحومة اللي تسكن فيها وزيد على هذا انو باش تصيرلك كل يوم حفظ نظام رئيس من منزلك الى القصر بجميع الاسلاك الامنية من سيارات شرطة وحرس وحماية مدنية وتعطيل المرفق العام لان تنقلات الرئيس هي في العادة مم القصر الى خارجه وليس من المنزل الى القصر وهذا يعبر استزاف للطاقة الامنية موش قلت من اولوياتك هي محاربة الارهاب والحفاظ على المال العام كيفاه باش نحاربو الارهاب وكل يوم ثمة 4 الاف امني يؤمنولك الطريق والمنزل حتى القصر وهاذا بداية اهدار المال العام واستزاف للطاقة البشرية الامنية وتعطيل المرافق العامة بما انك حثيت الناس على العمل وانت اول واحد باش تعطلهم في الطرقات .
سيد الرئيس راجع نفسك لانو اللي نقوم بيه توا هو نوع من التبذير لانو ما نحبش نقول فساد
انتم #سيد الرئيس لست مخير في السكن قصر الرئاسة هو المقر الرسمي للعمل موش باش نعملو زوز اماكن منزلك تبات فيه وقصر تباشر منو عملك .
بقلم النقابي الامني محمد علي الهاشمي .
التعليقات مغلقة، ولكن تركبكس وبينغبكس مفتوحة.