شمس الدين باشا للمشيشي :” سلّملي حقيبة وزارة الثقافة …”

كتب الفنان الاستعراضي  شمس الدين باشا تدوينة  على جدار صفحته الرسمية قال فيها :

“إلي سيد رئيس الحكومة:
سلّملي حقيبة وزارة الثقافة و شوف لبلاد كيفاش تولّي…
لأن الثقافة بما تشمله هي مِرآة الأُمم.
و أنا علي علم بكل ما يحصل من فساد مالي و مُحاباة وإلّي يدفع أكثر ياخُو أكثر يعني الجعايل علي عجلة و بالله بلغوه سى هشام المشيشي و قلولو أمنيتي نِتلها بوزارة الثقافة و مطوّع من حب حتي شهرية و أمنيتي زادة باش كل مبدع من مفكر و رسام و ممثل و حتي مهندسي المعماريين ياخذو حقهم و ينهضو ببلادنا موش الدُّخلاء يصولو ويجولو و إلّي بيهم نرتقيو بولادنا و بناتنا و عندي خطة و تنجّم تكون إجابيّة بإذن الله…
الواحد فى بلادنا قعد كان يتمنّى و إلا يحلم .
اليوم نعيشو في ثقافة التهميش و يمكن كلامي باش يقراووه و يضحكو عليه، نقلهم الحمد لله أنا فنان ناجح و مرضى والدية و مطربي و نحترم الناس و نحب الخير لغيري وأهم حاجة إلّى عمري ما كنت طمّاع و شكرا”